కులం పేరుతొ అసెంబ్లీ కా..?

ఎన్నికలలో కులం కార్డుతో గెలిచి.....నాయకులైన వారందరూ ఆ కులానికి చేయూత నందిస్తున్నారా..! గెలిచిన నాయకుల పర్యవేక్షణను సామాన్య కార్యకర్తకి చ్చే నాయకులు ఇప్పుడిన్నారా! సామాన్యుడు వెళ్తే చేరదీస్తాడా..! సామాజిక న్యాయం జరిగినట్లేనా...! సామాజిక న్యాయం అంటే నాయకులను కులాల పేరుతో అసెంబ్లీకి పంపితే చాలా.... వీటన్నింటికీ సమాధానం చెప్పగల నాయకుడున్నాడా?

ఎప్పుడు ఎవరు ఆంతరంగికులో తెలియని ఈ రాజకీయ వలయంలో ఓట్రు మిధ్యగా మారుతున్న యిదేళ్ల కోమారు మాత్రం ఆయనే దేవుడు. ఆదేవుడి నాడి పట్టుకునేందుకు నేతలు పడుతున్న పాట్లు అంతా....ఇంతా కాదు.

రాజకీయం ఈ మాట తెలియని వారుండరు. కాని నిన్నటి దాకా రాజకీయాలంటే తెలియని వారెందరో నేడు చైతన్యమైపోయారు. రాజకీయాలంటే ఇలా ఉంటాయా? అని తెలియజేస్తున్న ఎన్నికలు ఇవే అనేది మాత్రం రుజువైంది. రాజకీయాలంటే మాకు చేదని చెప్పిన వారెవరు అని అందరూ ముందుకు వస్తున్నారు. రాజకీయాలకు న్ర్న్నటి దాకా అనుభవం కావాలని అనుకున్నారు. నేడు మాత్రం డబ్బే ప్రధానమైంది. అందరికీ అసెంబ్లీలో కూర్చోవాలనే కోరిక పెరుగుతోంది. దానికి కారణం ధనం. ఇలాంటి పరిస్థితులు రాష్ట్రంలో వస్తాయని ఎవరూ ఊహించి ఉండరు. కులకులం అని కుత్సితాలు పెంచుకోకు అన్నారు. కాని రాజకీయాలలో ఆ కులమే లేక్పోతే మనుగడ సాధ్యం కాదనే స్థితికి చేరుకున్నాయి. నిజంగా ప్రజలు ఇలాంటి కుల రాజకీయాలు కోరుకుంటిన్నారా! దీనిపై ప్రజలు నిజంగా అలాంటి ఆలోచనలో ఉన్నారా!